Kryeministri i Kosovës, Albin Kurti, i ka dërguar letër ministrit të Punëve të Brendshme, Xhelal Sveçlës, për ta njoftuar se dita e hënë, 29 nëntori, do të jetë pushim në nder të 28 nëntorit, përcjell Shqip.com.
Përmes letrës, Kurti ka kërkuar nga Sveçla që t’i njoftojë nëpunësit e administratës publike që për nder të kësaj feste, më 29 nëntor do të jetë ditë pushimi.
“Ju lutem vini re që nisur nga dispozitat e Ligjit Nr. 03/L-064 për Festat Zyrtare të Republikës së Kosovës, kërkoj nga ju që, në koordinim me Komisionin Republikan të Festave, të bëni njoftimin me kohë për nëpunësit e administratës publike, që për nder të festës së 28 Nëntorit, dita e hënë, 29 Nëntor 2021, do të jetë ditë pushimi.
Ju lutem të mbani të informuara të gjitha institucionet publike lidhur me këtë kërkesë”, thuhet në këtë kërkesë./SHQIP.com
