Donald Trump presidenti i 45-të i ShBA’së sot ka përfunduar mandatin e tij 4 vjeçar, raporton Gazeta Express.
Trump sëbashku me gruan e tij Melania Trump janë larguar për herën e fundit nga ambientet e Shtëpisë së Bardhë.
Presidenti dhe Zonja e Parë kanë hipur në helikopterin presidencial. dhe janë larguar duke përshëndetur me dorë.
Mediat amerikane kanë raportuar se Trump së bashku me zonjën e parë, Melania Trump do të fluturojnë për në Palm Beach, Florida para se Biden të betohet si presidenti i ri.
Trump është presidenti i parë në 150 vjet që nuk do të marrë pjesë në inaugurimin e presidentit pasues.
Ndërkaq sot, presidenti i zgjedhur Joe Biden do të marr detyrën e presidentit të 46-të të ShBA’së në ceremoninë e inaugurimit./Express/
