Lideri i Aleancës për Ardhmërinë e Kosovës (AAK), Ramush Haradinaj ka bërë homazhe në Reçak, për nder të 22-vjetorit të masakrës në këtë fshat të komunës së Shtimes, shkruan Gazeta Express.
Haradinaj është takuar me familjarë të të masakruarve në Reçak, teksa nga atje tha se të rënët në masakrën e Reçakut e të Prekazit janë në themel të lirisë së Kosovës.
“Për të gjithë familjarët e të rënëve në Reçak dhe për të gjithë familjarët e të gjithëve që kanë rënë për liri gjatë të gjitha kohërave, e vërtetë që liria ka emër, e ka Prekazin e ka Reçakun, i ka varret dhe vuajtjen e dhimbjet e gjithë atyre që më të dashurit i kanë në themel të lirisë. Lavdi e përjetshme”, ka thënë ai.
