Një 38-vjeçar nga Malisheva ka vdekur dje pasi rënë nga kati i 5-të i një ndërtese në Gjakovë.
Lajmin e ka konfirmuar zëdhënësi i Policisë së Kosovës për rajonin e Gjakovës, Nysrert Gjurkaj, i cili tha se viktima është nga Malisheva.
“Me datë 12.01.2021 rreth orës 16:20 Stacioni policor-Gjakovë ka pranuar informatë lidhur me një person i cili kishte rënë nga një objekt ne ndërtim e sipër nga kati i -V-të ne Rr. ‘Selman Riza’ -Gjakovë. Patrulla ne vendngjarje ka konfirmuar incidentin. Në vendngjarje kane dalë autoambulanca ku viktimën e kanë dërguar ne Spitalin Rajonal “Isa Grezda” – Gjakovë te cilët kane konfirmuar vdekjen e viktimës. Viktima është rreth moshës 38 vjeçar nga Malisheva”, ka thënë Gjurkaj për Reporteri.net.
Gazeta Online “Reporteri.net” mëson se 38-vjeçari që ka vdekur është Nesret Morina nga Malisheva.
Vdekjen e kanë konfirmuar edhe familjarë të tij.
“Me zemër të thyer morëm lajmin për vdekjen tragjike në vendin e punës të bashkëvendasit tonë Nisret Morina. Zoti e mori në moshë të re vetëm 37 vite, të gjithë ne kemi vetëm kujtime të mira nga Nisreti, do na mungosh të gjithëve. U prefshë në paqe!”, ka shkruar Avdi Morina.
