Flet djaloshi nga Deçani.
Nazlije Sherifi vuan nga skleroza glomerulare fokale e cila ia ka dëmtuar veshkat.
Kjo është arsyeja që asaj i duhet transplanti i veshkës. Kjo ndërhyrje duhet të bëhet në një spital në Turqi dhe do të kushtojë rreth 200 mijë euro.
Këtë shumë familja e ka të pamundur ta sigurojë, prandaj në disa pika në qytet po mblidhen fonde nga vullnetarë.
Por, ndoshta do të duhen shumë më para, meqë djaloshi nga Deçani Valmir Aliçkaj ka shprehur dëshirë që vullnetarisht t’ia dhurojë veshkën Nazlijes.
Një gjë e tillë mund të bëhet e mundur vetëm pasi të kryhen analizat e përshtatshmërisë që pritet të bëhen së shpejti.
- Advertisement -
