Në konferencën e Ministrisë së Infrastrukturës lidhur me skandalin e vjedhjes së dy milionë eurove nga Thesari i shtetit, sekretari i kësaj ministrie Izedin Bytyqi, ka përmendur projektet që janë prekur nga kjo vjedhje.
Sipas Bytyqit mjetet janë marrë prej tre projekteve si: Projekti Zhur – Dragash – Brod, projekti Prishtinë – Mitrovicë dhe projekti Prizren – Prevallë.
Bytyqi gjithashtu shtoi se deri tani nuk është marrë në intervistë asnjë zyrtar i Ministrisë së Infrastrukturës.
Sekretari i MI-së sot në konferencë mohoi përfshirjen në skandalin e 2 milionëshit, duke thënë se e lajmëruam rastin në Polici.
Ai poashtu i reagoi ministres Hykmete Bajrami, duke thënë se është keqinformuar se punëtori i MI-së veç është transferuar me punë në Mitrovicë dhe nuk është larguar, dhe se mund të kthehet./Reporteri.net/.
