Gjatë kësaj jave mbi vendin tonë do të vijojë të mbetet me kushte të qëndrueshme meteorologjike, si rrjedhojë e masave stabile të ajrit të cilat do të mbeten prezent gjatë gjithë kësaj periudhe të parashikimit.
Mëngjeset do të jenë relativisht të ftohta, kështu që mundësia për brymë mbetet evidente.
Temperaturat minimale do të lëvizin ndërmjet -1 deri 3 gradë Celsius, ndërsa maksimalet e ditës parashihen të lëvizin ndërmjet 14-22 gradë Celsius.
Do të fryjë erë e lehtë deri mesatare nga drejtimi i verilindjes dhe jugperëndimit.
Kushtet biometeorologjike dhe agrometeorologjike do të jenë relativisht të mira.
Java e ardhshme do të jetë e favorshme për bujqit për mbjelljen e kulturave vjeshtore, pasi që ditëve të fundit patëm reshje në sasi të konsiderueshme shiu dhe jemi brenda afatit kohor të mbjelljeve të kulturave vjeshtore, njofton Instituti Hidrometeorologjik i Kosovës.
