Deputeti i AAK-së, Haxhi Shala, do të udhëtojë nesër për në Hagë.
Lajmin e ka bërë të ditur ish kryetari i Komunës së Malishevës, Isni Kilaj, në profilin e tij në Facebook.
“Haxhi Shala nesër udhëton për Hagë! Ai ishte emër që bëri histori në luftën e UÇK-së! Ne jemi me te në këtë betejë!”, ka shkruar Kilaj.
Haxhi Shala ishte ftuar nga Gjykata Speciale në cilësinë e të dyshuarit në gusht të këtij viti.
Ai është zgjedhur deputet nga NISMA ndërsa më vonë ka aderuar në AAK.
Deri më tani, Gjykata Speciale i ka arrestuar tre persona, të cilat janë duke qëndruar në paraburgim në Hagë.
Njëri nga ta, Salih Mustafa, është i akuzuar ndërsa dy të tjerë, Hysni Gucati dhe Nasim Haradinaj, janë arrestuar për publikim të dokumenteve të gjykatës.
