Për 21 vjet ekziston Partia e Drejtësisë, për gjatë kësaj periudhe nga ky subjekt dolën edhe disa grupime tjera politike, që ishin të pakënaqur me kryetarin e saj Ferid Agani.
Por tani, dikush ka nis të angazhohet që t’i mbledh këto grupacione, me qëllim të unifikimit.
Avdullah Klinaku nga Këshilli i Unitetit, ka thënë se kanë ftuar të gjitha partitë që kanë dalë nga PD-ja për tu bërë bashkë që të organizohen në një parti të unitetit.
Gëzim Kelmendi nga Fjala i tha Klan Kosovës se nuk dëshiron të përfshihet në këtë projekt, meqenëse dëshiron të veproj si subjekt i veçantë.
Derisa njëri nga themeluesit e Partisë së Drejtësisë, tashti Kryetar i Lëvizjes për Drejtësi, Sylejman Qerkezi, është për tu unifikuar këto parti, që paraqesin ideologji konservatore.
Ndërsa, kryetari i Partisë së Drejtësisë, Ferid Agani, që mori pjesë në takimin e parë mes palëve, nuk deshi të flas tash për tash, meqenëse sipas tij, ende nuk ka rezultate konkrete.
