Deputeti i Lëvizjes Vetëvendosje, Hekuran Murati, ka bërë të ditur se qeveria Hoti, i posedon 300 milionë euro për t’u dalur në ndohmë qytetarëve, për shkak të pandemisë COVID-19, shkruan GazetaBlic.
Por, ai thotë se është e pakuptimtë, pse kjo qeveri, nuk po i shfrytëzon këto para, duke pyetur madje se ku mbetën ato.
Ai ka shtuar se: pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?
Shkrimi i plotë nga Murati:
Janë rreth 300 milionë euro financim e kredi shtesë që Kuvendi i ka vënë në dispozicion kësaj qeverie jolegjitime për t’u ardhur në ndihmë qytetarëve e bizneseve.
Ne si Lëvizje Vetëvendosje! i kemi votuar të gjitha marrëveshjet financiare ndërkombëtare për të mundësuar ratifikimin e tyre me 80 vota, megjithëse jemi në opozitë.
Ku mbetën këto para? Pse nuk po ndihmohen qytetarët e bizneset tani?
Pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?
