Përveçse në garat e futbollit italian, Vedat Muriqin nga sezoni i ri do ta shohum edhe në garën më të fortë në botë për klube, në Ligën e Kampionëve.
Reprezentuesi i Kosovës kaloi vetëm sezonin e parë te Fenerbahce, por në aspektin individual shënoi sukses të madh. Sulmuesi shtatlartë e mbylli sezonin me 15 gola, duke u renditur i katërti në listën e top golashënuesve në Superligën e Turqisë. Ai gjithashtu shtoi edhe 5 asistime.
Falë formës së tij të mirë në sezonin e fundit, për sulmuesin prizrenas kanë shprehur interesim një numër i madh i klubeve europiane, teksa Lazio besohet se ka siguruar tashmë shërbimet e tij.
‘Tuttomercatoweb’ shkruan se Lazio do paguajë 17.5 milionë euro për Vedat Muriqin, plus 1.5 milionë tjera në formë të bonuseve. Gjithashtu, nëse Lazio në të ardhmen e shet diku tjetër lojtarin, atëherë Fenerbahce do përfitojë 5% nga shuma e transferimit. 26 vjeçari do nënshkruajë kontratë 5 vjeçare dhe do fitojë 2 milionë euro në vit te klubi italian.
Kurse, gazetari nga Kosova, Arlind Sadiku, shkruan se Muriqi të martën do kryej testet mjekësore, kurse prezantimi zyrtar te Lazio do bëhet një ditë më vonë.
