Një person i lindur në vitin 1966 ka ndërrur jetë dje në vendin e tij të punës në Telekomin e Kosovës.
Vdekjen e të ndjerit e kanë konfirmuar burime të Gazetës Sinjali brenda Telekomit, teksa theksojnë se vdekja e tij dyshohet se erdhi si pasojë e një sulmi kardiak.
Në raportin 24 orësh të Policisë së Kosovës, bëhet e ditur se ekipi mjekësor ka konstatuar vdekjen e viktimës në vendin e ngjarjes.
“Me vendim të prokurorit, trupi i pajetë i viktimës dërgohet në IML për obduksion”, thuhet në raportin 24-orësh të Policisë së Kosovës.
- Advertisement -
