Mostrat e rreth 500 personave të dyshuar se janë infektuar me koronavirus janë testuar në 24 orët e fundit në laboratorin e Institutit Kombëtar të Shëndetit Publik. Prej tyre, pozitivë për COVID-19 kanë rezultuar 213, raporton Express.
Sipas raportit të fundit të IKShP-së, më së shumti raste edhe sot janë regjistruar në Prishtinë. Në këtë qytet, janë regjistruar 80 raste të reja në 24 orët e fundit.
Pas kryeqytetit, me numër të rasteve të reja renditen Prizreni, Ferizaj, Gjilani dhe Podujeva.
“Rastet pozitive janë nga: komuna Prishtinë 80 raste, komuna Prizren 17 raste, komuna Ferizaj 15 raste, komuna Gjilan 14 raste, komuna Podujevë 12 raste, komuna Drenas 11 raste, komuna Fushë Kosovë 9 raste, komuna Mitrovicë 7 raste, komuna Suharekë 7 raste, komuna Lipjan 6 raste, komuna Pejë 6 raste, komuna Viti 6 raste, komuna Vushtrri 5 raste, komuna Skenderaj 4 raste, komuna Deçan 3 raste, komuna Malishevë 3 raste, kurse nga 2 raste komunat: Dragash, Kamenicë, Klinë dhe nga 1 rast Obiliq dhe Shtime”, thuhet në raport.
Ndryshe, numri i rasteve të konfirmuara që nga 13 marsi ka arritur në 6 mijë e 680, me gjithsej 164 raste të vdekjes të cilët kanë pasur sëmundje të tjera shoqëruese. /Gazeta Express
