Një tërmet i fortë goditi Meksikën e Jugut të martën, duke tronditur ndërtesat në qendër të kryeqytetit Meksiko City qindra milje larg.
Të paktën dy persona humbën jetën.
“Spitali në Huatulco është i dëmtuar, do të jetë e nevojshme të zhvendoset pacientët” tha Alejandro Ismael Murat Hinojosa.
Qindra njerëz lanë shtëpitë e tyre dhe dolën në rrugë nga frika.
Instituti Gjeologjik i SH.B.A.-së tha që madhësia e tërmetit ishte 7.4, rishikuar nga një vlerësim i hershëm i 7.7.
Epiqendra e tërmetit ishte shteti bregdetar i Paqësorit, Oaxaca.
Tërmeti u ndje në Guatemala dhe në të gjithë Meksikën jugore dhe qendrore.
Energjia elektrike u ndërpre në disa zona.
Tërmetet me përmasa të tilla mund të jenë shkatërruese. Një tërmet me madhësi 7.1 që goditi Meksikën qendrore në 2017 vrau 355 njerëz në kryeqytet dhe shtetet përreth.
I ndodhur në kryqëzimin e tre pllakave tektonike, Meksika është një nga vendet me sizmitetin më të lartë në botë.
Kryeqyteti shihet si veçanërisht i prekshëm për shkak të vendndodhjes së tij në majë të një shtrati antik liqeni.
Analiza paraprake e Qendrës së Paralajmërimit të Tsunamit të Paqësorit ka paralajmëruar tsunami përgjatë brigjeve të Meksikës, Guatemalës, El Salvador dhe Honduras.
