Kryetari i Kamenicës, Qëndron Kastrati, ka bërë të ditur se ka rezultuar pozitiv me virusin Covid-19. Ai thotë se virusin e ka marrë pas kontaktit me një koleg nga Prishtina.
‘’Javën e kaluar kam pasur kontakt me një koleg nga Prishtina. Para dy ditësh kolegu ka rezultuar pozitiv me COVID-19. Në momentin që e kam kuptuar që ai ka bërë testin jam vetizoluar, ndërsa dje jam paraqitur për të bërë testin.’’, thotë ai.
‘’Sot jam informuar që testi ka dalur pozitiv. Nuk kam asnjë simptomë por do të qëndroj i vetizoluar sipas rekomandimeve të IKShPK-së. Do t’i dorëzoj të gjitha kontaktet e mia pranë Institutit Kombëtar të Shëndetësisë Publike, por ju lus të gjithëve që jemi takuar ditëve të fundit të vetizoloheni për disa ditë dhe të lajmëroheni nëse keni simptome.’’
Ai shton se punët në komunën e Kamenicës do të vazhdojnë me intensitetin e njëjtë, dhe ai do të punojë nga shtëpia.
- Advertisement -
