Kosova dhe Serbia do të takohen më 27 qershor në Shtëpinë e Bardhë, në Washington për të diskutuar për dialogun.
Kështu bëri të ditur i Dërguari i Posaçëm i Presidentit Trump, Richard Grenell, shkruan Indeksonline.
Ai tha që Serbia do ta ndalë përkohësisht fushatën për çnjohje të Kosovës.
“Lajm i madh! Kam marrë angazhimin nga qeveria e Kosovës dhe e Serbisë për të ndaluar përkohësisht fushatën e mosnjohjes dhe kërkimin e anëtarësimit ndërkombëtar në mënyrë që të takohemi në Uashington, DC në Shtëpinë e Bardhë më 27 qershor në diskutime për Dialogun.
Nëse secila palë është e pakënaqur me diskutimet e 27 qershorit, ata do të kthehen në status quo pasi të largohen nga Uashingtoni.
Siç kemi thënë vazhdimisht, së pari duhet të përparojmë në rritjen e ekonomive. Ky është fokusi. Mezi pres këto diskutime”, u shpreh ai.
- Advertisement -
