Kryesia e Kuvendit do të mblidhet nesër për të diskutuar rreth caktimit të seancës, ku pritet të votohet Qeveria e re.
Gazeta Express mëson se nesër kryesia e shqyrton kërkesën e Lidhjes Demokratike të Kosovës për votimin e Qeverisë.
Shefi i Grupit Parlamentar të LDK’së, Arben Gashi, ka thënë se e ka dorëzuar kërkesën për mbajtjen e seancës për formimin e Qeverisë, për të mërkurën në orën 11:00.
LDK e dorëzoi kërkesën për seancë, pasi Gjykata Kushtetuese e publikoi aktgjykimin e plotë, sipas të cilit i ka dhënë të drejtë dekretit të Presidentit Hashim Thaçi për mandatimin e Avdullah Hotit të LDK’së për kryeministër.
LDK pritet ta formojë Qeverinë e re në një koalicion me AAK’në, Nismën Socialdemokrate dhe minoritetet.
AKR ka thënë se nuk do të jetë pjesë e koalicionit të ri, por do ta votojë Qeverinë Hoti.
