Një punëtor ndërtimi ka humbur jetën gjatë një aksidenti në punë. Ngjarja ka ndodhur në Vlorë dhe viktima mësohet se është minoren, rreth 17 vjeç.
Ai ka qenë duke punuar për ndërtimin e parkimit të një pallati në zonën e njohur si Kalaja në Ujin e Ftohtë ku është aksidentuar nga vinçi.
“Rreth orës 16:20, në lagjen “Ujë i Ftohtë” Vlorë, pranë Kalasë, një mjet vinç duke kryer punime pastrime territori në këtë zonë, ka aksidentuar një shtetas ende të paindentifikuar, i cili si pasojë ka ndërruar jetë në vend”.
Policia ka shoqëruar drejtuesin e mjetit, shtetasin Bujar Çakiri, 29 vjeç, banues në Librazhd, i cili po merret në pyetje në lidhje me ngjarjen.
Grupi hetimor ndodhet në vendngjarje dhe po kryejnë hetimet e mëtejshme për sqarimin e rrethanave.
- Advertisement -
