Dje ka filluar ndërtimi i ujësjellësit edhe në 10 fshatra të Skenderajt: Rezallë, Abri e Poshtme, Aqarevë, Likoc, Llaushë, Marinë, Makermal, Murgë, Plluzhinë dhe Ticë.
Krahas realizimit të kyqjeve individuale të ujësjellësit që po bëhen në 12 fshatra të komunës së Skenderajt ka filluar edhe implementimi i projektit “Ndërtimi i Ujësjellësit” në 10 fshatra të komunës, nga i cili do të përfitojnë gjithsej 12364 banorë dhe i cili është donacion i Qeverisë Zvicerane dhe Qeverisë së Kosovës kurse Implementohet nga CDI – ja dhe ka një vlerë rreth 1.4 milion Euro.
Gjatë fillimit të punimeve, kryetari i Skënderajt, Bekim Jashari, ka marrë falenderime nga shumë banorë dhe sot ai ka publikuar edhe këtë foto me një mbishkrim.
“Kjo foto është bërë dje në Rezallë dhe do jetë në kujtesën time përgjithmonë gëzimi i qytetarëve të asaj zone për ujin”, ka shkruar Jashari./Drenicapress
