Kryeministri në detyrë, Albin Kurti, ka thënë se presidenti Hashim Thaçi nuk i ka bërë ofertë që të shkoj në Washington për dialog por për marrëveshje.
“Nuk ka pasur ofertë kryeministri juaj Albin Kurti të shkoj në Washinton për dialog por për marrëveshje.
Ofertë e kam pasur t’i bashkangjitem tavolinës në marrëveshjen e vjetër, nuk ishte ajo marrëveshje e re, por kurorëzim i vjetër”, tha ai.
Tutje, Kurti ka thënë se ideja për ndarje të Kosovës nuk ka vdekur, përderisa në krye të shteteve (Kosovës dhe Serbisë) gjenden ata që e propozuan këtë gjë (Thaçi dhe Vuçiç), por përderisa ai të jetë kryeministër, ky projekt do të jetë i dështuar.
“Nuk ka vdekë si ide, përderisa këta akter kanë këto pozita. Përderisa presidenti i Serbisë është Aleksandër Vuçiq në njërën anë dhe president i Kosovës është Hashim Thaçi në anën tjetër, ideja nuk ka vdekur, po përderisa unë jam kryeministër, qoftë në detyrë, ky projekt patjetër se do të jetë i deshtuar” tha Kurti.
