Fushatës për t`iu dal në ndihmë familjeve në nevojë, sot iu bashkua edhe Organizata për të drejtat dhe liritë e njëriut nga Turqia (IHH), e cila dhuroi 70 pako ushqimore, për personat në nevojë të Komunës së Skenderajt.
I pari i komunës, Bekim Jashari, gjatë takimit me përfaqësuesin e IHH-së, Fadil Pushkolli, falënderoj organizatën për ndihmen e dhënë për qytetarët e komunës, në këtë situate emergjente per vendin.
Edhe Fadil Pushkolli, falënderoj Kryetarin Jashari për angazhimin dhe përkushtimin e treguar në shpërndarjen e pakove ushqimore në çdo shtëpi të familjeve nevojtare.
Gjatë këtij takimi Jashari dhe Pushkolli u pajtuan për bashkëpunim të mëtutjeshëm, në kuader të projekteve në fushën e arsimit dhe përkrahjes për studentet e komunës sonë.
Pakot e dhuruara nga fondacioni turk, do të shpërndahen se bashku me pakot e tjera që Komuna e Skenderajt në bashkëpunim me donatorët do të përkrahin mbi 3000 familje në nevojë me rastin e festës së Fiter Bajramit.
