Depërtimi i cikloneve në Mesdheun Perëndimor këtyre ditëve pritet të sjellë mbi vendin tonë koncentrime më të larta të pluhurit saharian nga Afrika Veriore, bën të ditur Prishtina Weather.
Shërbimi i meteorologjisë njofton se “gjatë ditës së djeshme kishte koncentrime pak më të rritura të këtij pluhuri”.
Në fotografinë e mësipërme, të bërë nga PW, gjatë perëndimit të diellit, kjo vërehet më shumë në qiell, si një nuancë e ngjyrës së verdhë.
“Në ditët e ardhshme, me depërtimin e masave më të nxehta ajrore nga Afrika, do të ketë rritje edhe më të lartë të koncentrimit të pluhurit, sidomos nga dita e enjte, derisa të premten dhe të shtunën do të jenë koncentrimet më të rritura, kjo sipas parashikimeve numerike”, njofton PW.Sipas PW, koncentrimi më i rritur i pluhurit mund të ndikojë herë-herë edhe në rritje të vlerave të cilësisë së ajrit në të pashëndetshme.
