Opinionisti, Bujar Dugolli ka thënë se kryeministrit në detyrë, Albin Kurti, nuk i është dhënë kohë që të dëshmohet në arenën ndërkombëtare dhe se kritikat ndaj tij erdhën pa e filluar ai ende.
‘’Nuk është dhënë mundësia Kurtit që me tregu qasjen e tij ndaj SHBA-së dhe BE-së’’, ka thënë Dugolli.
‘’Ai është goditur ende pa i zbuluar konceptet e tij të qeverisjes. Ai u sulmua nga disa njerëz më të dobët e servilë të cilët vetëm pohonin cdo marrëveshje të mundshme dhe duke ndikuar në opinionin ndërkombëtar. Unë kam qenë vetë në negociata kur kemi ditur të ju thomë jo ndërkombëtarëve dhe kemi fituar.’’, shton ai.
‘’Komunikimi i Kurtit nuk ka qenë i gabuar. Kurti nuk ka dhënë vërejte për asnjërin por ka thënë se duhet të jetë me të dy edhe BE edhe SHBA. Por nëse njëri ndërmjetësues është pro heqjes së taksës dhe masave nga ana e Kosovës por jo e ndalimit të fushatës për cnjohje nga ana e Serbisë, atëherë duhet të kemi guxim që dikush të i thotë e ka gabim.’’, thotë Dugolli.
