Gjendja shëndetësore e liderit koreano verior, Kim Jong Un, mbetet mister ndërkohë që po qarkullojnë lajme se ka ndërruar jetë.
Një foto e publikuar nga media italiane “La Stampa” shton edhe më shumë dyshimet, pasi shfaqet një person i vdekur, i cili ngjason shumë me Kim Jong Un, edhe pse ende nuk është konfirmuar zyrtarisht që ai ka vdekur.
Në disa të njohura botërore po qarkullojnë lajme se diktatori i Koresë së Veriut, Kim Jong Un mund të ketë vdekur.
Lajmi fillimisht është raportuar nga një rrjet televiziv nga Hong-Kongu por po citohet nga New York Post, Daily Mail dhe media të tjera.
Më parë një gazetë e njohur japoneze kishte shkruar se diktatori ndodhet në “gjendje vegjetative” pasi ai iu nënshtrua një operacioni në zemër në fillim të këtij muaji.
Zv/drejtori i një transmetuesi në Hong Kong, HKSTV Hong Kong Satellite Television, një media kjo e mbështetur nga Pekini, ka pretenduar se 36-vjeçari Kim Jong Un ka vdekur, duke cituar “një burim shumë të fortë”.
Së fundmi, Chung in-Moon, këshilltari për politikë të jashtme të presidentit të Koresë së Jugut, Moon Jae-in tha se “Kim Jong Un është gjallë dhe mirë”.
Ai tha ndër të tjera se lideri i Koresë së Veriut, ndodhet në zonën Wonsan që nga 13 prilli.
Për herë të fundit, Kim Jong Un është parë në publik më 11 prill./noa.al/
