Komuna e Rahovecit vazhdon të jetë e paprekur me coronavirusi.
Kreu i kësaj komune, Smajl Latifi, ka njoftuar se edhe pse disa persona kanë pasur kontakt me shitësin e fidaneve nga Komuna e Malishevës, pas testimeve kanë dal negativ, shkruan Reporteri.net.
Postimi i tij:
RAHOVECI VAZHDON TË MBETET I PAPREKUR NGA COVID-19
Të nderuar qytetarë,
Sapo jam informuar se nga 24 mostrat e marra nga IKSHPK nga qytetarët e Krushës së Madhe me rrethinë, të cilët kanë qenë të vetizoluar pas kontaktit me shitësin e fidaneve nga komuna e Malishevës, i infektuar me koronavirus, të gjithë kanë rezultuar NEGATIV. Pra, deri më tani nuk kemi asnjë rast me COVID-19 pozitiv në komunën tonë.
Faleminderit të gjithëve për vetëdijen e lartë që po e dëshmoni në këtë kohë kritike, poashtu, falënderoj IKSHPK dhe drejtorin, Dr. Naser Ramadanin për përkrahjen dhe bashkëpunimin!
Bashkë, me vetëdije të lartë dhe përgjegjësi kolektive, jam i sigurt se do t’ia dalim, siç ia kemi dalur në kohëra të vështira!
Gjithçka varet nga ju të dashur qytetarë!
#RRINËSHTËPI
