Shkaku i mos-përhapjes së koronavirusit, ashtu si në krejt botën edhe në Kosovë, qytetarët rrinë në shtëpi, e rrjedhimisht edhe më shumë kohë kalojnë në rrjete sociale.
E këto po përdoren me të madhe tash nga partitë politike për propagandë, shkruan gazeta inFokus.
Madje, në një grup propagandues #PDKpërKOSOVËN, cak i saj ishte Bekim Jashari, kryetari i Skenderajt, e djali i heroit Hamëz Jasharit.
Por, jo veç Bekim Jashari, në propagandë u përdor edhe familja e ndjerë e tij bashkë me heronjtë Hamëz e Adem Jasharin.
Krejt kjo për të sulmuar atë pas takimit që kishte pasur me kryeministrin në detyrë, Albin Kurtin, shkruan gazeta inFokus.
“I nderuari Bekim, si do mund të shkosh tani tek varrezat e babait, të axhës e të familjes suaj?
Si do mund tu dalësh atyre perpara e tu thuash se njeriu i cili e prite në zyren tënde ia ka shtrirë doren njerëzve qe i vranë e i masakruan ata në mënyrën më ç’njerëzore e ti thuash babait se ndihmat qe ai i pranoi nga Serbia nuk po të pengojnë ndërsa ndihmat që i shpërndau shoku i juaj babë më penguan vetem se kishin logon e partisë, parti kjo në të cilën bëjnë pjesë shumica e shokëve e bashkëluftetarëve tu e të Ademit.
Unë s’kam fjalë më shumë!
Distancohu nga veprimet e tij Bekim!”, thuhet në këtë postim./Gazeta inFokus/
