Ish-deputeti i Kosovës, tash këshilltar i kryeministrit në detyrë Albin Kurtit, Driton Tali përmes një postimi në Facebook, i është drejtuar Fatmir Limajt me një sërë pyetjesh.
Tali shkruan se Limaj kurrë nuk tregoi se si e ka paguar avokatin britanik për padinë që e ka pasur për “Korrupsion në MTPT”.
Ai thotë se ky avokat është njëri ndër më të shtrenjtët britanik.
Tali ka treguar se në fillim Limaj e ka pas pagën e deputeti 400 marka, pastaj 600 e më vonë mbi 1 mijë, por edhe si ministër është paguar ngjashëm.
Postimi i plotë:
Fatmir Limaj kurrë nuk na tregoi se si e paguajti avokatin britanik, Karim Khan, për padinë “Korrupsioni në MTPT” të mëse 80 milion eurove, të Buxhetit, e cila ju bë me 2013-2016.
Karim Khan është njëri nga avokatët më të shtrenjtë britanik.
Për aq sa dihet, Fatimir në fillim fare si deputet paguheshe 400 marka, pastaj rreth 600 marka, e 800 euro, në 2009 paga e deputetëve rritet në 1050 euro (plus komisionet 200 euro).
Po ashtu si ministër paguheshe ngjashëm.
Prandaj, tregona burrë ku i morre paret për ta paguar Karim Khanin?1
Mbase me ato paret që (ti si patriot që je) e padite Shtetin tond për 7 milion (saktësisht 6.987.314), për rastin “Kleçka”.
Ups, nine harrova se si kundërpërgjigje t’u dhanë 7 mijë euro si dëmëshpërblim që ti si morre – i refuzove!
Prandaj, ku i morre paratë?!
Ani kur e bëjë hesap që ti rrjedh nga një familje punëtore, e që në gyrbet ja dalë vonë dhe ke qëndru pak, kërqyshë kjo vogëlsia ime s’pe kupton ku i morre paratë?!
