Koronavirusi ka bërë që futbolli kosovar tashmë e 40 ditë të jetë i bllokuar pas vendimit të Qeverisë së Kosovës për një gjë të tillë, si shenj parandalimi të kësaj pandemie.
Kjo ka bërë që komuniteti sportiv në vend të mbetet i bllokuar.
Nga karantina, trajneri i njohur kosovar, Afrim Tovërlani ka komentuar situatën aktuale politike në vend.
“Një sen nuk po e kuptoj! Deri sot Qeveria në ikje tha që po e menaxhon situatën me pandemi pa probleme, bile gati mas miri në rruzull, e tash pse i ka thirr partit tjera në bisedime për unitet kundër koronavirusit”, ka shkruar Tovërlani në llogarinë e tij në Facebook.
Kjo nuk është hera e parë që Tovërlani komenton situatën aktuale politike në vend, pasi këtë gjë e kishte bërë edhe ditë më parë, po në llogarinë e tij në Facebook.
