Serbia i ka dhënë donacion Kosovës, 1000 teste për coronavirus, dhe pranimi i tyre nga ana e Kosovës ka nxitur reagime të shumta.
Një veteran i UÇK-së, dhe ish-polic i Kosovës, që tani vazhdon jetën në karrocë, ka shprehur mllef për veprimin e shtetit të Kosovës, i cili ka pranuar donancionin me teste nga Serbia.
Mazllum Bajraktari nga Rahoveci, ish pjesëtar i UÇK-së, e pas luftës edhe pjesëtar i policisë së Kosovës, njësiti elit i saj, përmes një postimi në profilin e tij në Facebook, ka reaguar kundër asaj se sa me lehtësi shteti i Kosovës ka pranuar donacionin me teste nga Serbia, shkruan reporteri.
Ai ka thënë se edhe po të arrinte të gjente shërim në Serbi, këtë do ta refuzonte.
“Nkarroc i paralizum jam veq me mthan ka ilaq ne Serbi kurr kurr nuk kisha pranu!”, ka shkruar Bajraktari.
Ndryshe, Kosova dje ka pranuar 1000 teste për coronavirus nga Serbia, dhe ministri i Shëndetësisë, Arben Vitia këtë e ka arsyetuar me bashkëpunimin rajonal për tejkalimin e pandemisë globale.
