Janë bërë disa ditë që kur Qeveria e Kosovës i ka bërë akoma më të ashpra masat për lëvizjen e qytetarëve.
Dita-ditës, numri i të infektuarve me COVID19 po rritet dhe këto masa janë parë të nevojshme në mënyrë që gjendja të mos bëhet e jashtëzakonshme
Por, si është një ditë në karantinë, me mas të rrepta sigurie?
Nga Komorani deri në Prishtinë, përmes fotografive Syri Net Kosova iu sjell një reportazh se çka u pa rrugëve, kush po lëvizte e çfarë mjete përdoreshin për udhëtim.
Me të marrë rrugën, në fshatin Komoran vërehet se kanë dalë ekipe të policisë për të parë nëse banorët po respektonin orarin e daljes apo jo.
Më pas, gjatë rrugës, vërehet se në qarkullim në magjistralen Pejë-Prishtinë, u panë vetura të vogla, pastaj, edhe vetura që bartnin produkte ushqimore por edhe kozmetike.
Majde, nuk munguan as kamionët që bartin disa nga produktet më esenciale.
Përpos kësaj, në komunikacion vërehen edhe traktorët në qarkullim, pra, bujqit nuk po e ndalin punën e tyre as në këto ditë.
Duke mos mjaftuar me kaq, në fshatin Bresje janë parë edhe punëtorë që mirëmbajnë rrugët, të cilët po kujdesshin që qytetarët të lëviznin në rrugë më të sigurta.
Përveç veturave, në rrugë janë parë edhe këmbësorë, disa me e disa pa masa mbrojtëse.
Pasi kalohet një pjesë e Fushë Kosovës, para se të arrihet afër rrethit te ETC, shihen ekipet e Policisë së Kosovës që kishin dalur në rrugë, ndalnin veturat dhe kontrollonin nëse kishin leje për të hyrë në kryeqytet.
Madje, për shkak se qëndronin nën urëkalimin, kjo pikë policore ngjanin sikur të ishte një pikë kufiri mes dy shteteve.
Me të hyrë në kryeqytet, shihen se ka më shumë njerëz në rrugë, por, edhe makina në lëvizje.
Ndonëse e premte, qyteti ngjante sikur të ishte një e diel e zakonshme.
