Policia e Kosovës ka dhënë detaje për vdekjen e këngëtares dhe gazetares së njohur Violeta Rexhepagiqit.
Sipas policisë, në mëngjes janë informuar se në një shtëpi gjendet një person pa shenja jete në rrugën “Ferid Dragaj” në Prishtinë.
“Me të marrë informatën policia ka dalë në vendin e ngjarjes, ku ka hasur në viktimën femër , e cila ishte pa shenja jete. Vdekjen e viktimës e ka konstatuar ekipi mjekësor në vendin e ngjarjes”, ka bërë të ditur zëdhënësja e Policisë për Rajonin e Prishtinës, Flora Ahmeti.
“Aktualisht njësitet policore në koordinim me Prokurorin e Shtetit, janë duke ndërmarrë të gjitha veprimet e nevojshme lidhur me këtë rast”, shtoi ajo.
