Një qytetar nga komuna e Drenasit para disa ditësh ka dalë pozitiv me COVID-19, duke shënuar edhe rastin e parë nga kjo komunë.
Ndonëse ishte nga kjo komunë, qytetari i infektuar nuk e kishte vizituar Drenasin disa javë para se të mesohej se ishte infektuar, pasi ai jeton dhe punon në Prishtinë.
Që nga ajo ditë Komuna e Drenasit nuk ka asnjë informatë në lidhje me gjendjen shëndetësore të qytetarit të saj, raporton “Zëri.info”.
Zëdhënësi i Komunës, Bekim Dobra, ka thënë për “Zërin” se nuk kanë informtata tjera për rastin në fjalë, vetëm se ai nuk ka qenë më shumë se një muaj në Drenas.
“Perveçse ai nuk ka qenë për më shumë se një muaj në Drenas, para se të konfirmohet pozitiv me virusin COVID-19, më nuk kemi informata të tjera”, ka thënë Dobra
Drenasi vazhdon të mos ketë asnjë rast deri më tani brenda komunës. /Zëri
