Kryetari i Komunës së Skenderajt, Bekim Jashari, ka deklaruar, se nga 27 mostra të marra sot në këtë komunë nga IKSHPK-ja, është vetëm një rast pozitiv.
“Personi i diagnostifikuar pozitiv me korona virus është rast kontakti i familjes Thaçi dhe është brenda zonës së karantinuar. Personit të infektuar i dëshiroj shërim sa më të shpejtë dhe kthim në familje!”, ka shkruar ai mes tjerash në Facebook.
Instituti Kombëtar i Shëndetësisë Publike të Kosovës ka njoftuar se tre persona janë shëruar nga COVID-19 dhe janë konfirmuar 10 raste të reja me këtë virus.
Në mesin e të infektuarve sipas IKShPK-së, njëri rast është nga fshati Burojë e Skenderajt.
Ky është postimi i plotë i Bekim Jasharit:
Të dashur qytetarë,
Nga 27 mostra të marra sot në komunën tonë, nga IKSHP, kemi vetëm një rast pozitiv.
Personi i diagnostifikuar pozitiv me korona virus është rast kontakti i familjes Thaçi dhe është brenda zonës së karantinuar.
Personit të infektuar i dëshiroj shërim sa më të shpejtë dhe kthim në familje!
Të dashur bashkëvendas, duke ju falënderuar për durimin tuaj dhe respektimin e vendimeve e këshillave për të qëndruar në shtëpi, ju lutëm shumë vazhdoni kështu për shëndetin tuaj dhe njerëzve që ju rrethojnë.
Jemi bashkë dhe do t’ia dalim!
