Kryetari i komunës së Skenderajt, Bekim Jashari, ka reaguar pas lajmit se nga testimet e fundit të ditës së sotme dy banor me koronavisur kanë rezultuar të jenë nga Skenderaj.
Jashari ka thënë se dy të prekurit me koronavirus janë nga fshati Burojë e Skendrajt.
Ai u ka bërë thirrje banorëve që të mos dalin nga shtëpitë sepse vetëm kështu mund ta ruajn shëndetin e tyre.
Postimi i plotë i Bekim Jasharit:
Të dashur qytetarë, bashkëvendas të komunës sonë
Sapo u informova nga Ministria e Shëndetësisë që fatkeqësisht në komunën tonë kemi dy raste me COVID-19.
Pacientët janë nga fshati Burojë, lagjia Thaçi, dhe janë duke u trajtuar në Klinikën Infektive.
Të dashur banorë të fshatit Burojë kërkoj nga ju që të mos lëvizni nga shtëpitë e juaja deri sa të marrim vendime si shtab emergjent për hapat e metutjeshëm.
Të infektuarve ju uroj shërim të shpejtë!
Të dashur qytetarë për çdo veprim do të informoheni me kohë!
Ju lutem të qëndroni në shtëpi!
Bashkë do t’ia dalim!
