Për një muaj në Kosovë janë konfirmuar pozitivë 227 persona me virusin COVID-19, raporton “Zëri.info”.
Malisheva prin me numrin më të madh të personave të infektuar, me gjithsej 66 raste, pastaj Prishtina me 26 raste. Edhe gjatë ditës së sotme janë duke u testuar raste të dyshuara me këtë virus në vend.
Nga Klinika Infektive e kanë konfirmuar se disa persona janë duke pritur për rezultatet e analizave. Ndërsa Instituti Kombëtar i Shëndetit Publik po vazhdon të testojë personat që kanë pasur kontakte me rastet e infektuara me koronavirusin e ri. Nga IKSHPK-ja kanë thënë për “Zërin” se janë duke u testuar personat që kanë simptoma të këtij virusi. Personat që nuk kanë asnjë simptomë nuk u nënshtrohen analizave.
IKSHPK-ja ka bërë të ditur se nga data 8 shkurt deri më 9 prill të këtij viti janë testuar 2 mijë e 687 mostra të dyshimta në virusin SARS-CoV-2 dhe prej tyre pozitive kanë rezultuar 227 raste me 7 raste të vdekjes, të cilët kanë pasur sëmundje të tjera shoqëruese. Ndërsa deri tani 38 persona janë shëruar nga ky virus./ Zëri/ A.B.
Më poshtë gjeni komunat, në të cilat janë konfirmuar raste me COVID-19
66 Malishevë
26 Prishtinë
21 Vushtrri
20 Mitrovicë e Veriut
18 Gjilan
13 Kamenicë
10 Gjakovë
10 Zveçan
7 Viti
6 Pejë
4 Podujevë
4 Leposaviq
4 Suharekë
3 Klinë
3 Fushë Kosovë
3 Prizren
2 Ferizaj
2 Zubin Potok
2 Lipjan
1 Shtime
1 Obiliq
1 Drenas.
