Presidenti i vendit, Hashim Thaçi, në Pressing ka komentuar fotografinë që ai kishte vënë në Facebook duke krasitur pipat e pemëve e që ishte komentuar shumë se atë e kishte lidhur me gjendjen politike në vend e koalicionin qeverisës.
Por, ai ka mohuar një gjë të tillë. Presidenti ka thënë se ka qenë një veprim i natyrshëm i tij në fshat.
“Në politikë përdoren ndonjëherë metaforat edhe nga ata që lancojnë gjëra të tilla. Nuk ka kurrgjë lidhje me atë çështje, kam qenë në fshat te prindërit dhe tjerët pastaj e kanë dizajnu si kanë dashtë”.
“A kam qenë unë i kënaqur apo jo me atë bllok është çështje tjetër, është e atyre që e bëjnë koalicionin. Gjithashtu marrëveshja që e ndërtuam më vonë. Blloqet që ndërtohen në parlament, është vendim i partive e jo presidentit”, tha ai rreth kësaj çështje.
