Kryeministri në detyrë i Kosovë, Albin Kurti, ka thënë se presidenti i Kosovës, Hashim Thaci, nuk është i kënaqur me kompetencat që i jep Kushtetuta e vendit dhe e ka ftuar atë që t’i bashkohet jetës politike partiake.
‘’Ai bëri thirrje që policët të mos respektojnë vendimin e qeverisë. Po megjithatë, të gjithë policët zbatuan vendimin e qeverisë dhe masat vazhduan në rregull pasi nuk mund të i bësh rezistencë vendimit të qeverisë’’, thotë Kurti.
‘’Presidenti nuk është i kënaqur me kompetencat që ia jep kushtetuta’’, shton ai.
“Ai duhet të kthehet në politikë. Presidenti me rolin që i jep sistemi demokratik është ceremonial dhe më shumë ka rolin e noterit. Nuk duhet të ketë tendenca të tregojë cfare subjekti politik të përkrahet. Pra nuk bën të tregojë cfarë qeverie duhet të votohet. Prandaj ose duhet të ndryshojë kushtetutën, gjë që s’bëhet, ose të hyjë në politikën partiake që e bëjmë ne. Aty do të bëjmë garë të drejtë dhe më korrekte’’, shtoi Kurti në KTV.
