Qeveria në detyrë Kurti, ka aprovuar vendimin për shkarkimin e Bordit Drejtues të Shërbimit Klinik Universitar të Kosovës dhe ka emëruar të riun, por një emër i një anëtari të Lëvizjes Vetëvendosje shihet aty, shkruan Gazeta Metro.
Mirsad Shkreta, është emëruar si anëtar i ri i Bordit të SHSKUK”së, së bashku me gjashtë persona të tjerë.
Shkreta ishte kandidat për deputet nga Lëvizja Vetëvendosje në zgjedhjet e vitit 2017, por që nuk arriti votat e mjaftueshme për të siguruar ulësen në Kuvendin e Kosovës, po ashtu njihet si përkrahës i madh i Albin Kurtit ku edhe mund t’i shini fotot e mëposhtme.
Stomotalogu nga Hani i Elezit, Mirsad Shkreta, është emëruar po ashtu edhe shef i kabinetit të ministrit të shëndetësisë, Arben Vitia.
Shkreta më parë ishte pjesë e Partisë Demokratike të Kosovës, por ai braktisi PDK’në dhe ju bashkua më 2014 Lëvizjes Vetëvendosje.
Anëtarët e tjerë të Bordit të ri janë Agreta Gecaj- Gashi – Qendra Klinike Universitare e Kosovës, Aida Rexhepi– Qendra Klinike Universitare Stomatologjike e Kosovës, Xhevat Jakupi – Instituti Kombëtar i Shëndetësisë Publike, Diana Dafota – Spitali i Përgjithshëm Gjakovë, Dr. Sadete Hadri – Shërbimet e Kujdesit Parësor Shëndetësor.///gazetametro.net
