Deputetja nga Partia Demokratike e Kosovës, Eliza Hoxha, ka thënë se për partinë e saj dialogu është proces shumë i rëndësishëm.
“Për Partinë Demokratike të Kosovës dialogu është process shumë i rëndësishëm, sepse me anë të tij mund të përmbyllet procesi i shtetndërtimit të Kosovës dhe të kurorëzohet plotësisht subjektiviteti ndërkombëtar i saj”, tha Hoxha, në konferencën e mbajtur për media nga PDK.
Hoxha po ashtu, tha se mbështesin deklaratën e përbashkët të emisarit special për dialogun Kosovë-Serbi, Richard Grenell, përfaqësuesit special të departamentit të shtetit për Ballkanin Perendimor, Matthew Palmer dhe ambasadorit amerikan në Kosovë, Philip Kosnnet.
Sipas PDK-së kjo deklaratë është dëshmi e qëndrimit të unifikuar nga Shtëpia e Bardh dhe shtetit amerikan kundrejt Kosovës./GazetaSinjali/
