Kryeministri i Kosovës, Albin Kurti, i ka kthyer replikën Daut Haradinajt nga radhët e AAK-së.
Haradinaj më parë i tha Kurtit se ka për t’i dhënë vendit më shumë se ai dhe se është 100 herë më i zoti se Kurti, transmeton IndeksOnline.
E kryeministri i ka thënë se nuk bën me ia tepru me mburrje se për vendin e vet ka luftuar.
“Unë fare nuk e kontestoj as nuk e vë në dyshim patriotzimin e Dau Haradinajt, para luftës dhe pas luftës.
Patriot duhet të jesh tërë jetën.
Kushdo që ka luftu dhe ka rezistu, ka qenë për këtë vend e jo për një vend të huaj. Nuk bën me ia tepru me mburrje se për vendin tënd ka qenë. Po del se nuk e paske dasht fort vendin tënd e tash po don me u mburrë për këtë se ke luftu.
Logjikë mercenary është që shkon në luftë dhe paguhet. Luftëtari është ai që shkon në luftë dhe nuk paguhet.
Vetëm një përqind e luftëtarëve janë në Qeveri dhe ata që kanë luftuar janë jasht Qeverisë”, tha Kurti./IndeksOnline/
