Deputetja e LDK-së, Marigona Geci, ka treguar qëndrimin e saj për mocionin e mosbesimit ndaj Qeverisë Kurti, të iniciuar nga partia e saj. Ajo thotë se është pro rrëzimit të Qeverisë, por me kusht që LDK-ja të mos hyjë në koalicion me PDK-në.
Vajza e ish-zyrtarit të lartë të LDK-së, Gani Geci, që tash është deputete sqaron se në mbledhjen e sotme të Grupit Parlamentar i ka kërkuar shefit të Grupit nëse nënshkrimi i saj do të përdoret për koalicion me PDK-në, e ai i ka thënë jo.
Kësisoj Geci thotë se është për rrëzimin e Qeverisë Kurti, që sipas saj, “po luan me LDK-në dhe me SHBA-në”, por nuk është që partia e saj të bashkëqeverisë më vonë me PDK-në.
Shkrimi i plotë i deputetes:
SQARIM
Të nderuar qytetarë, dua të sqaroj për opinionin publik se qendrimi im siç e thash edhe në Grupin Parlamentar të LDK-së pro mocionit për shakrkimin e gjithë atyre që mundohen me lujt me LDK-në, por qendrimi im është pak më ndryshe nga të tjerët sepse jam kundër një koalicioni me PDK-në.
Unë e pyeta Shefin e Grupit Parlamentar se a mund të përdoret nënshkrimi im me bazë kushtetuese për një koalicion me PDK-në. “Ai më tha: Jo.”
Unë nuk dëshiroj që nënshkrimi im të përdoret në asnjë form për një koalicion të mundshëm me PDK-në.
Unë Marigona Geci, jam pro mocionit për rrëzimin e kësaj qeverie që po luan me LDK-në dhe Shtetet e Bashkuara të Amerikës dhe kundër koalicionit të mundshem me PDK-në.
