Një i afërm i të prekurit me koronavirus nga fshati Dumnicë i Komunës së Podujevës është dërguar për në Qendrën Infektive në Prishtinë për dyshime me simptoma të koronavirusit.
Këtë e ka konfirmuar për Gazetën Insajderi, Bedrie Rama, epidiemologe në Qendrën Kryesore të Mjekësisë Familje në Podujevë.
“Sot një person i afërm me të prekurin me koronavirus është dërguar për QKUK për t’iu bërë testi”, ka thënë Rama për Insajderin.
Aktualisht në Kosovë janë 16 persona të prekur me koronavirus, ndërsa vendet e prekura me COVID-19, janë Malisheva, Vitia, Klina, Podujeva dhe Prishitna. /Insajderi.com
