Presidenti i Kosovës, Hashim Thaçi, ka kërkuar që të takohet sot me kryeministrin Albin Kurti, duke ia lënë të hapura tri opsione, siç kanë raportuar mediat, në orën 10:00, 11:00 apo në orën 12:00.
Por, në agjendën e kryeministrit sot, nuk përfshihet një takim i tillë me presidentin Thaçi.
Kurti ka refuzuar ftesën e Thaçit për takim para dy ditësh duke thënë se nuk e takon presidentin si kryetar i Lëvizjes Vetëvendosje por vetëm si kryeministër.
“Kur kuptova agjendën se kishte caktuar takime me liderë partish, atëherë thash le t’i mbajë një herë ato takime me liderë partish dhe takohemi si krerë të institucioneve. Pra, unë jam për takim e për bashkëpunim, por jo në atë ditë dhe jo ashtu”, kishte deklaruar Kurti.
Ndërsa në agjendën e kryeministrit sot, parashihen vetëm dy takime të tjera:
Agjenda e kryeministrit:
Kryeministri Albin Kurti pret në takim Ambasadorin e Japonisë në Kosovë, SH.T. Akira Mizutani.
VENDI: Ndërtesa e Qeverisë
KOHA: 12:15
Kryeministri Albin Kurti viziton Shoqatën e të Burgosurve Politik.
VENDI: Selia e Shoqatës së të Burgosurve, Prishtinë
KOHA: 13:30
