Futbollisti shqiptar Armando Broja, të dielën ka bërë një hap të madh në karrierën e tij. Broja ka bërë debutimin në fanellën e ekipit A të Chelseat, në fitorën 4 me 0 ndaj Evertonit.
Gazeta prestigjioze “The Sun” i ka kushtuar një shkrim 19-vjeçarit.Ai nisi karrierën e tij në moshën e hershme, qysh në moshën 8-vjeçare ku spikati për t’iu bashkuar më pas Chelseat, e për të ardhur më pas deri te thërritja në ekipin e parë.
“The Sun” portretizon Brojën, që gjatë gjithë fëmijërisë së tij ka pasur idhull Didier Drogbanë, ndërsa zgjedh ta quajë si pasardhësin e sulmuesit afrikan.
“Është e qartë se numri 9 është gati për skenën e madhe dhe me Frank Lampard që i jep mundësitë lojtarëve të rinj, nuk do të vonojë shumë deri sa Broja të jetë një titullar i përhershëm në ekipin e parë”, kjo është edhe mënyra se si media e njohur angleze ka zgjedhur ta përmbyllë shkrimin e saj për Armando Brojën.
