Qeveria e Kosovës ka miratuar të premten programin e saj, për periudhën 2020-2023, në të cilin ka pasqyruar qasjen dhe parimet që do të ndiqen përgjatë qeverisjes, sikurse edhe prioritetet themelore, iniciativat dhe vendimet që do të merren për të përmirësuar gjendjen në vend në të gjitha fushat e përgjegjësisë.
Në të janë vënë qëndrimet, që nga Vetingu, e deri te qasja ndaj dialogut me Serbinë. Në programin 45-faqësh, ekzekutivi ka theksuar se qeverisja do të fokusohet në përmirësimin e gjendjes në ato fusha, ku nuk ka progres të ndjeshëm, si në: drejtësi; ekonomi dhe punësim; arsim; shëndetësi; siguri integrime euro-atlantike dhe mjedis.
Programi i Qeverisë pasqyron po ashtu, orientimet e përgjithshme të Qeverisë, përsa i përket axhendës së integrimit evropian dhe politikës së jashtme. Në vijim mund ta lexoni të plotë dokumentin, mbi bazën e të cilit është zotuar të qeverisë Qeveria Kurti.
