Një dhëndër indian është filmuar duke qarë pasi është detyruar të martohet pa dëshirën e tij me një grua që nuk e njihte fare.
Në klip dëgjohen njerëzit e nuses që i thonë 29-vjeçarit:
“Po të varim ne ty? Thjesht po festojmë dasmën. Çfarë ke që mërzitesh?”
Vinodi i kishte thënë mediave indiane se ishte marrë nga vëllai i nuses së padëshiruar, të cilin e kishte shok.
Me armë në duar, kunati së bashku me burra të tjerë, e kanë rrëmbyer.
Edhe pse familjarët e dhëndrit kanë kërkuar ndihmën e policisë, ata i kanë thënë që këtë çështje ta zgjidhin mes tyre të dyja familjet.