Prej disa vitesh Çiljeta dhe portieri i njohur i Partizanit Alban Hoxha janë në një lidhje dashurie, por vetëm para pak kohësh, këngëtarja e bëri publike lidhjen e tyre duke postuar një foto me të në “Instagram”.
Viti 2020 mesa duket ka qenë i mbarë për çiftin dhe dyshohet se këtë lidhje dashurie e kanë zyrtarizuar në fejesë.
Disa orë më parë Çiljeta ka hedhur një foto në “Instagram”, ku shihet e veshur me një fustan të kuq të gjatë dhe me një dekolte të hapur që e tregon shumë elegante.
Pranë saj ndodhet një kuti me trëndafila të kuq, ku shkruan “Të dua” dhe në gishtin e këngëtares shihet një unazë fejese.
Përshkrimi që ajo ka vendosur në foto tregon se po përjeton momente shumë të lumtura me partnerin e saj.
Çiljeta nuk e ka konfirmuar ende në një dalje publike fejesën, por unaza në gisht dhe kutia e trëndafilave, janë prova të majftueshme për të thënë se lidhja e tyre ka kaluar në një fazë tjetër.
