Kryeministrja e Serbisë, Ana Brnabiq, thotë se nuk pret asgjë nga qeveria e re në Prishtinë. Ajo thotë se shpreson që qeveria e Kurtit të heqë taksën 100 % për një të ardhme më të mirë të rajonit.
“S’kam pritshmëri nga Prishtina, por jam optimiste që njerëzit që drejtojnë institucionet në Prishtinë do ta kuptojnë se sa e rëndësishme është të shkojmë drejt të ardhmes dhe se mënyra e vetme për një gjë të tillë është bashkëpunimi”, ka thënë ajo.
Tutje kryeministrja serbe ka thënë se taksa është një vendim që i përket mentalitetit të shek. XVII. Ajo thotë se janë të gatshëm të kthehen në bisedime sapo një vendim i tillë të hiqet.
“Akti i vendosjes së taksës për Serbinë dhe Bosnje e Hercegovinën i përket shekullit XVII, XVIII, sigurisht jo shekullit XXI. Shpresojmë që politikanët në Prishtinë ta kuptojnë këtë, dhe ne jemi të gatshëm të kthehemi në dialog sapo të hiqet taksa”, ka potencuar Brnabiq.
Tutje kryeministrja serbe ka thënë se heqjen e taksës po e kërkojnë edhe nga SHBA’ja dhe BE’ja./Express/.
