Katër muaj pas zgjedhjeve, në Kuvendin e Kosovës u votua Qeveria e re, ku me 66 vota pro, Albin Kurti u zgjodh kryeministër i vendit.
Albin Kurti para deputetëve ka prezantuar kabinetin e tij qeveritar, i cili do t’i ketë 15 ministri, shkruan Insajderi.
Me të prezantuar ministrat e rinjë, ju prezantojmë edhe partnerët e tyre.
Anton Quni – Ministër i Mbrojtjes
Quni është i martuar me Mirjana Lastron, me prejardhje kroate dhe së bashku kanë edhe 4 fëmijë.
Mirjana është një zonjë e vërtetë e cila po ashtu shihet të jetë një bashkëshorte dhe një nënë e përkushtuar ndaj familjes së saj.
Lumir Abdixhiku – Ministër për Infrastrukturë
Ish- deputeti i Lidhjes Demokratike të Kosovës, Lumir Abdixhiku i cili tashmë ka marr postin e Ministrit të Insfrastukturës, përveç që merret me politikë ai gjithashtu është edhe i përkushtuar për famijlën e tij,shkruan Insajderi.
Abdixhiku është i martuar me Albinën dhe janë prindër të dy vajzave bukuroshe.
Besian Mustafa – Ministër i Bujqësisë
Zëdhënësi i Lidhjes Demokratike të Kosovës, Besian Mustafa i cili tashmë ka pranuar postin e Ministrit të Bujqësisë.
Ai ka vazhduar të jetë i angazhuar në skenën politike duke e mbajtur jetën e tij private larg mediave.
Hykmete Bajrami – Ministre për Arsim
Përveç postit të ri që ka marr, Hykmetja është edhe profesoreshë në Universitetin e Prishtinës, në fakultetin Ekonomik.
Ministrja për Arsim është e martuar dhe ka dy vajza.
Agim Veliu – Ministër i Brendshëm
Agim Veliu, i njohur për qëndrimin e tij të gjatë në pushtet, është ministri i ri i Punëve të Brendshme. Agim Veliu arriti të jetë në pushtet për më shumë se 20 vjet. Veliu i cili u bë i pamposhtur në Podujevë, pasi që nga viti 2009, ka fituar tri herë në zgjedhje lokale.
Veliu është i martuar me Igballen dhe kanë dy fëmijë, Shkumbinin dhe Naserin.
Vlora Dumoshi- Ministre për Kulturë, Rini dhe Sport
Vlora Dumoshi është një emër jo rrallë i dëgjuar në media e publik. Përveç sukeseve në profesion, jeta e saj private ka qenë gjithmonë e komentuar, për faktin se ishte e martuar me këngëtarin e njohur, Shkumbin Kryeziu, shkruan Insajderi.
Nga martesa Vlora ka dy djemë, Rronin dhe Rrapin.
Glauk Konjufca – Ministria e Punëve të Jashtme
Ish-deputeti i Lëvizjes Vetëvendosje Glauk Konjufca, në këto zgjedhje mori postin e kryeparlamentarit i cili me pas edhe dha dorëheqje duke u bërë kështu Ministër i Punëve të Jashtme, shkruan Insajderi.
Glauku është i martuar me Emira Bajqinca Konjufca, e cila është fytyrë e njohur për publikun dhe kanë dy vajza.
Albulena Haxhiu – Ministria e Drejtësisë
Ish-deputetja e Lëvizjes Vetëvendosje Albulena Haxhiu, prej kohësh vitesh pjesë e politikës. E kemi parë të ketë dhënë intervista të ndryshme po rrallë herë ka folur për jetën e saj private.
Albulena Haxhiu është e martuar me Alban Krasniqin edhe ky aktivist i VV-së.
Albulena dhe Albani kanë dy djemë Malin e Tomorrin.
Besnik Bislimi – Ministria e Financave dhe Transferve
Besnik Bislimi e ka pranuar edhe zyrtarisht detyrën e re në Ministrinë e Financave dhe Transfereve. Ai do të jetë njëri prej ministrave në kabinetin e ri qeveritar të udhëhequr nga Albin Kurti, shkruan Insajderi.
Besniku ka preferuar që jetën e tij private ta mbaj për vete.
Rozeta – Ministria e Ekonomisë
Në udhëheqjen e ministrive në kabinetin qeveritar, ndodhet edhe Rozeta Hajdari, figurë kjo jo e njohur shumë për qytetarët.
Hajdari është e lindur në Pejë dhe tashmë jeton në Prishtinë, ku ka edhe firmën e saj private ‘R&V Consulting’, e cila merret me këshillimin e bizneseve.
Po ashtu, dihet se ajo punon si koordinatore për Arsimin e Lartë në Austrian Development Agency, një organizatë jo-qeveritare austriake që vepron në Kosovë. Rozeta poashtu mban mjaft të privatësuar jetën e saj.
Arben Vitia – Ministria e Shëndetësisë
Arben Vitia njihet më së shumti nga mandati i tij si drejtor i Drejtorisë së Shëndetësisë në Komunën e Prishtinës.
Puna e tij për rreth 5 vjet si udhëheqës në shëndetësinë primare në kryeqytet ka bërë që tani të jetë edhe Ministër i Shëndetësisë. Ai është i martuar me Merita Kasumi dhe ka dy fëmijë.
Ministria e Integrimeve Evropiane – Blerim Reka
Blerim Rekën nga Ministria e Punëve të Jashtme ka dalë në atë të Integrimeve Evropiane, për t’i liruar vend Glauk Konjufcës, që do të largohet nga posti i kryeparlamentarit.
Reka është i martuar me Ymrane Reka dhe ka fëmijë.
