Kryetari i Nismës Socialdemokrate, Fatmir Limaj, ka këshilluar nga foltorja të mandatuarin për kryeministër Albin Kurti që të ulë kokën dhe të sillet si kryeministër.
Limaj në seancën plenare që po mbahet për votim të qeverisë së re ka deklaruar se do të mbështesë çdo iniciativë të mirë që do sjellë Kurti në parlament.
“Albini ka shumë punë për të ndryshuar nga ai i opozitës, ne nuk mund t’ia marrim të drejtën njerëzve për të ndryshuar, por ai duhet të ndalojë gjuhën e urrejtjes. Historia e Kosovës nuk fillon me juve. Unë do të mbështes çdo punë të mirë që vjen në parlament. por arroganca duhet të largohet”, tha ai.
